Orang tetiran

Orang tetiran (hurup Arab Gundul: اورڠ تتيران) ièlah orang atawa serombongan orang nyang ninggalin atu wilayah bakal ngègos deri bencana atawa musibah. Ni musibah atawa bahla bisa aja banjir, tana longsor, aèr tinggi, kebakaran, èn laèn sebagénya nyang dilantaranin ama alam. Bisa juga' tu bahla – manusia punya lantaran langsung, kaya' perang, nuklir gembos, ama bom meledug. Saban orang tetiran biasanya dipernahin atawa ditaroh di atu tempat penampung bakal ngeja rèlawan gampil bakal ngopènin ama nulungin tu orang pada. Latnya berapa lama tu orang tetiran tetira di itu kampung tetira kaga' keancer, begantung ama tu kewontenan ama keadaannya kendiri. Sokanan, tu orang tetiran diopènin ama guwernemèn setempat, mar bisa aja orang-orang rèlawan dateng nulungin.